Muborakdagi o‘yindan so‘ng kiyinish xonasida iftorlik uchun dasturxon bezadik ("Mash’al" - "Lokomotiv" - 1:4). Og‘iz ochib jamoa namozga saflandi. Bu holatni Sekeyra diqqat bilan kuzatib turardi. Avtobus yo‘lga tushganda bosh murabbiy menga yuzlandi:

– Konfusiy aytgan: Dunyoda shunday narsalar borki, ularni ko‘rmasdan turib ishonib bo‘lmaydi. Yana shunday narsalar borki, ishonmay turib ko‘rib bo‘lmaydi. Negadir, yigitlar namozga berilganda buyuk faylasufning shu so‘zlari yodimga tushdi.

– O‘sha ishonchni hosil qiluvchi va uni mustahkamlovchi bir qudrat bor; bu ham bo‘lsa ilmdir, degan bizning allomalar, – qo‘shib qo‘ydim men.

Biroz jim qolgan bosh murabbiy fikrini xulosalagan bo‘ldi:

– Ha-a, futbolchilar ro‘za tuta boshlaganda ularning jismoniy holatini o‘ylab biroz xavotirda edim. Ammo ruhiy quvvat jismoniy kuchdan ustun ekani yana bir bor isbotini topdi.

Abror Pirriyev
"Lokomotiv" klubi shifokori