«Arsenal» Yevropa Ligasi yarim finalida «Vilyarreal» dovonidan o‘ta olmadi (1:2, 0:0) va musobaqani tark etdi.
«Kanonirlar» 2016 yildan beri dastlabki marta mavsumda birorta finalga yo‘l olishmadi. Oldinroq ular Angliya Kubogi to‘rtinchi raundida «Sautgempton», Angliya Liga Kubogi chorak finalida "Manchester Siti"ga mag‘lub bo‘lishgandi.
Eslatib o‘tamiz, 2016/17 yilgi mavsumda londonliklar Angliya Kubogi finali, keyingi yili esa Angliya Liga Kubogi finalida o‘ynashgan. 2018/2019 yilgi mavsum Yevropa Ligasi, o‘tgan mavsum esa yana Angliya Kubogining hal qiluvchi bahsida «Arsenal» ishtirok etgandi.