«Vilyarreal» Yevropa Ligasi yarimfinalida ikki o‘yin natijasiga ko‘ra «Arsenal»dan (0:0, 2:1) ustun keldi.
Gracenote'ning ma’lumotiga ko‘ra, Ispaniya klubi ustozi Unai Emeri bir turdagi yevrokubok finaliga 5 bor chiqqan ilk murabbiyga aylandi. U bungacha Yevropa Ligasida «Sevilya» boshqaruvida uch bor, «Arsenal» bilan esa bir marta finalda qatnashgan.
Emeri bu ko‘rsatkich orqali bir turdagi yevrokuboklarda 4 martadan finalda ishtirok etgan Aleks Fergyuson, Karlo Anchelotti, Marchello Lippi va Migel Munyosning rekordini yangiladi. Unaidan farqli ravishda ushbu 4 murabbiy Chempionlar Ligasi (Evropa Chempionlar Kubogi) finallarida qatnashishgan.
