"Zenit" hujumchisi Serdar Azmun "Atalanta" qiziqishlari doirasiga tushib qoldi, deb xabar beradi "Sport-Express" nashri. Bergamo klubi 26 yoshli hujumchini Luis Muriel va Duvan Sapataga o‘rinbosar sifatida ko‘rib chiqmoqda. Sababi har ikkala hujumchining ham Yevropaning top-klublariga ko‘chib o‘tish ehtimoli yuqori bo‘ib turibdi.
Yozda ikkita kolumbiyalikdan biri, yoki ikkalasi birdaniga "Atalanta"ni tark etishi mumkin. Manbaga ko‘ra, Italiya klubi Serdar uchun 20 million yevrogacha to‘lashga tayyor. Azmunning "Zenit" bilan shartnomasi 2022-yil iyunigacha mo‘ljallangan.
