BAA Pro ligasida 25-tur o‘yinlari bo‘lib o‘tdi. Unda hamyurtlarimiz to‘p tepadigan barcha jamoalar yirik hisobda g‘alaba qozonishdi.
«Sharja» (48 ochko, 3-o‘rin) safarda «Ajman» darvozasiga javobsiz 3ta to‘p kiritdi, Otabek Shukurov to‘liq harakat qildi.
«Shabob Al Ahli» (47 ochko, 4-o‘rin) o‘z maydonida «Al Vasl»ni yirik hisobda mag‘lub etdi. Jaloliddin Masharipov va Odil Hamrobekov to‘liq o‘yin o‘tkazishdi. Masharipov jamoasining 3-goliga assistentlik qildi.
«Hatta» (12 ochko, 14-pog‘ona) o‘z uyida «Ittihod Kalba»ni tor-mor etdi. Doston Hamdamov 55-daqiqada zaxiradan maydonga tushib, debyut golini urishga muvaffaq bo‘ldi.
Ajman — Sharja 0:3
Gollar: Rakan (60, avtogol), Koronado (72, 75).
Shabob Al Ahli — Al Vasl 3:0
Gollar: Jobir (12, penalti), Eduardu (30), Suhayl (38).
Hatta — Ittihod Kalba 4:0
Gollar: Samarjich (27, 80), Jonatas (64, penalti), Hamdamov (69).
