UYEFA prezidenti Aleksander Cheferin Superliga ta’sischilari ro‘yxatidan chiqmagan “Real”, “Barselona” va “Yuventus”ni jiddiy jazoga tortishni xohlamoqda.

Kope nashrining xabar qilishicha, 29-may kuni bo‘lib o‘tadigan Chempionlar Ligasi finalidan keyin Cheferin “Real”, “Barselona” va “Yuventus”ni ikki yilga Yevrokuboklardan chetlatishni taklif qiladi.

“Real” prezidenti, Superliga rahbari Florentino Peres UYEFAning asoschi klublar bilan murosaga borishiga umid qilmoqda. Agar bunday bo‘lmasa, “Real” muammoni hal qilishning boshqa yo‘llarini qidiradi va sud murojaat qilishi ham mumkin.

Avvalroq UYEFA Superliga a’zoligidan chiqmagan jamoalar ustidan tartib-intizom ishi ochishi ma’lum bo‘lgandi.