PSJ hujumchisi Neymar Parij klubi bilan yangi shartnoma tuzilishiga izoh berdi.
Endi braziliyalik yulduz fransuz grandi tarkibida 2025 yil iyungacha to‘p tepadi.
«Men juda xursandman. Bu haqiqat. Bugungacha ushbu jamaoada bo‘lib, ko‘plab yutuqlarga erishganimdan baxtiyorman.
Endi esa oldindagi 4 yilda katta loyihaning bir qismi bo‘lib, Chempionlar Ligasida g‘olib chiqish haqidagi asosiy orzuimizni amalga oshirishga harakat qilaman. Men klub bilan qolishdan xursandman.
Meni shartnomamni yangilashimga nima undadi? Birinchi omil - baxt. Men ushbu loyihaning bir qismi bo‘lganim bu baxt. Keyin esa jamoa hamda sheriklarim bilan, qopaversa, bizni yanada ko‘proq yutuqlarga erishishda yordam beradigan ajoyib murabbiy bilan aloqam.
Bularning barchasi sizni bu yerda qolishga undaydi», - deya 29 yoshli futbolchining so‘zlarini keltiradi klub rasmiy sayti.
Qayd etish joiz, Neymar PSJ tarkibida 2017 yilning yozidan beri o‘ynab, 112 uchrashuvda 85 gol urgan va 51 golga uzatma amalga oshirgan.
