«Inter» bosh murabbiyi Antonio Konte hali ham kelajagi haqida o‘ylamoqda. Yaqin kunlarda mutaxassis jamoa prezidenti Stiven Chjan bilan uchrashuv o‘tkazadi.
Umuman olganda, Konte «Inter»ni boshqarishda davom etishga qarshi emas. Biroq, italiyalik mutaxassis qo‘shimcha transferlarga muhtoj. U klub moliyaviy inqirozni boshdan kechirayotganini tushunadi
Shuning uchun yangi top-futbolchilar xarid qilinmasligini ham anglab turibdi. Konte kelasi mavsum tarkibdagi futbolchilarni saqlab qolmoqchi.
Antonioning asosiy vazifasi - allaqachon mavjud tarkib bilan A Seriya chempionligini himoya qilish. U rahbariyatga mana shunday shart qo‘ygan.
