«Yuventus» hujumchisi Krishtianu Ronalduning onasi Dolores Aveyru 19 yildan so‘ng Portugaliya chempionatining oltin medalini qo‘lga kiritgan «Sporting»ning g‘alabasini nishonlashda ishtirok etdi.
Aveyru o‘z uyining balkonidan ko‘chada g‘alabani nishonlagan Lissabon klubi muxlislari bilan suhbatlashdi. Ayol muxlislariga o‘g‘lini «Sporting»ga borishga ko‘ndirishga va’da berdi: «Men Ronaldu qaytib kelishi uchun u bilan gaplashaman»
Eslatib o‘tamiz, Ronaldu «Sporting»ning tarbiyalanuvchisi bo‘lib, u bu yerda 2002 yildan 2003 yilgacha o‘ynagan. Oldinroq Krishtianuning o‘zi ham jamoani chempionlik bilan tabriklagan edi.
