«Ювентус» ҳужумчиси Криштиану Роналдунинг онаси Долорес Авейру 19 йилдан сўнг Португалия чемпионатининг олтин медалини қўлга киритган «Спортинг»нинг ғалабасини нишонлашда иштирок этди.
Авейру ўз уйининг балконидан кўчада ғалабани нишонлаган Лиссабон клуби мухлислари билан суҳбатлашди. Аёл мухлисларига ўғлини «Спортинг»га боришга кўндиришга ваъда берди: «Мен Роналду қайтиб келиши учун у билан гаплашаман»
Эслатиб ўтамиз, Роналду «Спортинг»нинг тарбияланувчиси бўлиб, у бу ерда 2002 йилдан 2003 йилгача ўйнаган. Олдинроқ Криштианунинг ўзи ҳам жамоани чемпионлик билан табриклаган эди.
