«Liverpul» bosh murabbiyi Yurgen Klopp jamoada kim xohlasa klubni tark etishi mumkinligini aytdi. Kelasi mavsumda «qizillar» Chempionlar Ligasida ishtirok eta olmasliklari mumkin.
«Ishonchim komilki, «Liverpul» hech qachon o‘z futbolchilarini majburan ushlab turmaydi. Demoqchimanki, agar biror bir futbolchimiz Chempionlar Ligasiga o‘ynash yo‘llanmasini qo‘lga kirita oladigan klubda faoliyatini davom ettirmoqchi bo‘lishsa, marhamat!
Hozircha menga hech kim bunday savollar bilan murojaat qilgani yo‘q. Ayni dam jamoada ajoyib muhit hukmron. Kelajak haqida suhbatlashishga hali erta", - deydi Klopp.
