Ispaniya chempionatining 37-turidan o‘rin olgan bahsdv «Atletiko» «Osasuna» bilan ro‘baru keldi.

«Vanda Metropolitano» o‘yingohida kechgan bahs, mezmonlarning 2:1 hisobidagi g‘alabasi bilan nihoyasiga yetdi. Uchrashuvda dastlab, «Osasuna» vakili Anti Budimir hisobni ochishga muvaffaq bo‘ldi, biroq 83 hamda 88-daqiqalarda kiritilgan Renan Lodi hamda Luis Suaresning gollari Madrid klubi joniga oro kirdi.

Shu tariqa «Atletiko» bugungi g‘alabadan so‘ng, 83 ochko bilan turnir jadvalida peshqadamlikni saqlab qoldi. Bugungacha 44 ochko jamg‘argan «Osasuna» esa o‘n birinchi o‘rinda boryapti.

«Atletiko» – «Osasuna» 2:1 (0:0, 2:1) «Vanda Metropolitano»

Gollar: 0:1 – 75 Budimir, 1:1 – 82 Lodi, 2:1 – 88 Suares.

«Atletiko» – Oblak, Felipe, Ermoso (Lodi, 66), Savich, Trippyer, Koke, Lyorente (Errera, 80), Karrasko, Saul (Joau Feliks, 66), Korrea (Dembele, 80), Suares (Kondogbia, 90).

«Osasuna» – Errera, Xuan Krus, Ramalyo, Unai Garsiya, David Garsiya, Ruben Garsiya, Brashanas (Chimi Avila, 90), Barxa (Torro, 77), Monkayola, Xoni Rodriges (Roberto Torres, 65), Budimir (Galyego, 77).

Ogohlantirishlar: Budimir (76), Brashanas (84), Suares (89).