"Chelsi" bosh murabbiyi Tomas Tuxel "Lester"ga qarshi muhim o‘yini oldidan o‘z fikrlari bilan o‘rtoqlashdi. O‘yin Premyer-liganing 37-turi doirasida bo‘lib o‘tadi.
"Kuchli to‘rtlik hali ham bizning qo‘limizda. Biz vaziyatga ijobiy qarayapmiz. Tabiiyki, biz g‘alaba qozonishni orziqib kutamiz. Muxlislarning tribunaga qaytishi hayoliy yangilik. Ular bizga "Stemford Bridj"da muhim g‘alabani qo‘lga kiritishda yordam berishiga umid qilamiz. Biz allaqachon mavsumda katta yutuqlarga erishdik, ammo hozir bu haqda o‘ylash vaqti emas. Bizning ishimiz hali tugamagan", - dedi Tuxel.
