Har yili Yevropaning kuchli ichki chempionatlarida o‘zini ko‘rsatib, darvozani eng ko‘p ishg‘ol eta olgan futbolchilarga taqdim etiladigan "Oltin butsa" sovrini uchun kurash har yilgidan ham qizg‘in davom etmoqda. Pandemiya sabab, muxlislarsiz stadionlarda bahslar olib borilayotganiga qaramasdan, top darajadagilar o‘z o‘yinini namoyish etib, muxlislarni xursand qilishdan charchashmayapti. Aynan shundaylarning eng yaxshilari ushbu sovrin uchun munosib ko‘riladi. Quyida siz bilan bu yili "Golden Shoe-2021" sovriniga eng asosiy da’vogarlar kimlar ekanligiga e’tibor qaratamiz.
Ayni paytga kelib uchli o‘ntalik quyidagicha ko‘rinish olgan:
1. Levandovski. Germaniyaning «Bavariya» klubi va Polsha termasi hujumchisi — Robert Levandovski, joriy mavsumda 40 ta golga mualliflik qilgan holda, reytingda 80 ochko to‘plab, birinchi o‘rinni band etgan.
2. Messi. «Barselona» klubida afsonaga aylanib ulgurgan, barcha zamonlarning eng yaxshi futbolchilaridan biri bo‘lgan Lionel Messi ro‘yxatda ikkinchi o‘rindan joy olgan. Mavsum startida uning o‘yinida biroz sustkashlik sezilgan bo‘lsa ham ikkinchi yarimyillikda ancha sermahsullik ko‘rsata oldi. Uning hisobida hozircha 30 ta gol mavjud va reytingda 60 ochko jamg‘arishga erishgan.
3. Ronaldu. Messiga eng munosib raqib sifatida ko‘riladigan yana bir tom ma’nodagi afsonalardan biri — portugaliyalik Ronaldu uchinchi o‘rinda qayd etilgan. Mavsum davomida jarohatlar va koronavirus cheklovlaridan qiynalgan forvard, baribir matonat ko‘rsata oldi. So‘nggi bor 2014/15 yilgi mavsumda ushbu nomga loyiq ko‘rilgan hujumchini ishlari ichki chempionatda nisbatan ko‘ngildagidek deyish mumkin. U «Yuventus» tarkibida barcha musobaqalarda hozircha 29 ta gol kiritib, reytingda 58 ochko jamg‘ara olgan.
Reytingning qolgan qismidan quyidagi futbolchilar joy olishgan:
4. Andre Silva (Portugaliya), «Ayntraxt», 27 ta gol, 54 ochko
5. Kilian Mbappe (Fransiya), «PSJ», 26 ta gol, 52 ochko
6. Erling Holand (Norvegiya), "Borussiya D", 25 ta gol, 50 ochko
7. Romelu Lukaku (Belgiya), «Inter», 23 ta gol, 46 ochko
8. Jerar Moreno (Ispaniya), «Vilyarreal», 23 ta gol, 46 ochko
9. Xarri Keyn (Angliya), «Tottenhem», 22 ta gol, 44 ochko
10. Luis Muriel (Kolumbiya), «Atalanta», 22 ta gol, 44 ochko
Ma’lumot uchun, o‘tgan — 2020/21 yilgi mavsumda «Lasio» klubining hujumchisi Chiro Immobile, 35 o‘yinda maydonga tushib, 36 ta golga mualliflik qilgan va yuqorida sanab o‘tilgan kuchli raqiblarni ortda qoldirib, o‘zining fantastik o‘yinlari bilan haqli ravishda ushbu sovringa loyiq ko‘rilgan edi. A seriyaning joriy mavsumi yakunlanishiga bir tur qolganida Immobile 20ta gol muallifiga aylandi.
Jaloliddin Ismatov.
