"Qo‘qon-1912" - "So‘g‘diyona" uchrashuvidan so‘ng qo‘qonliklarning markaziy himoyachisi Bobur Akbarov o‘z fikrlarini quyidagicha bayon qildi.

"Avvalombor barcha futbol muxlislarini o‘tgan ramazon hayiti bilan tabriklayman. O‘yinga keladigan bo‘lsak, nima bo‘lganini barcha ko‘rdi, menimcha. Biz maydonga g‘alabani ko‘zlab tushgan edik. Lekin xatolarimiz evaziga mag‘lub bo‘ldik. Bugungi mag‘lubiyat uchun jamoamiz nomidan uzr so‘rayman.

Futbol bu emosional o‘yin. Zaxiraga olingan vaqtda o‘ta hissiyotga berilib ketdim. Lekin bu muxlislarimizga nisbatan hurmatsizlik emas edi. O‘sha vaziyat uchun ming bor uzr so‘rayman. Men barcha qo‘qonlik muxlislarimizni hurmat qilaman va ular uchun maydonda borimni berib o‘ynashga intilaman. Kimlardir negativ fikrda bo‘lishi mumkin, men buni to‘g‘ri qabul qilaman.  Men har qanday holatda ham muxlislarimizni hurmat qilaman", — dedi Akbarov.