"Қўқон-1912" - "Сўғдиёна" учрашувидан сўнг қўқонликларнинг марказий ҳимоячиси Бобур Акбаров ўз фикрларини қуйидагича баён қилди.

"Авваломбор барча футбол мухлисларини ўтган рамазон ҳайити билан табриклайман. Ўйинга келадиган бўлсак, нима бўлганини барча кўрди, менимча. Биз майдонга ғалабани кўзлаб тушган эдик. Лекин хатоларимиз эвазига мағлуб бўлдик. Бугунги мағлубият учун жамоамиз номидан узр сўрайман.

Футбол бу эмоционал ўйин. Захирага олинган вақтда ўта ҳиссиётга берилиб кетдим. Лекин бу мухлисларимизга нисбатан ҳурматсизлик эмас эди. Ўша вазият учун минг бор узр сўрайман. Мен барча қўқонлик мухлисларимизни ҳурмат қиламан ва улар учун майдонда боримни бериб ўйнашга интиламан. Кимлардир негатив фикрда бўлиши мумкин, мен буни тўғри қабул қиламан.  Мен ҳар қандай ҳолатда ҳам мухлисларимизни ҳурмат қиламан", — деди Акбаров.