«Chelsi» sobiq ustozi Frenk Lempard London klubi murabbiyligi lavozimidan bo‘shatilishi haqida gapirdi. Eslatib o‘tamiz, Lempard fevral oyida ishdan bo‘shatilgan. Uning o‘rnini germaniyalik mutaxassis Tomas Tuxel egallagandi.
«Ishingizni yo‘qotish siz uchun juda qiyin. Agar kimdir buni tan olmasa, demak u yolg‘on gapiryapti. Siz ishlaysiz, nimadir qurishga harakat qilasiz, biroq bu imkoniyat sizdan olib qo‘yilishi ham mumkin.
Men yosh haqida gapirishni istamayman. Agar men «Chelsi»ga 55 yoshimda kuboklar to‘plami bilan kelganimda ham bu yondashuv bir xil bo‘lar edi. «Chelsi»da ma’lum darajada o‘sishga erishdim, agar siz ularga mos kelmasangiz, klubni tark etasiz.
Men «Chelsi»dagi qisqa muddatli ishim bilan faxrlanaman. Bu yerda qimmatli tajriba orttirdim. Kelajak uchun ma’lum bir poydevor yaratdim", - deYdi Lempard Britaniya matbuotiga bergan intervyusida.
