Turinning «Yuventus» klubi yarim himoyachi Aaron Remzining transfer narxini pasaytirishga tayyor.
Ayni paytda, uelslik futbolchining narxi 20 million yevroga baholanmoqda, ammo agar «Liverpul» futbolchini sotib olishni taklif qilsa, «Yuventus» Remzini 12 million yevroga sotadi. Bunda Italiya klubi Aaronning maosh olish omilini ham hisobga oladi.
Tutto Juvening xabar berishicha, «Yuve» pleymeykerning maoshidan mamnun emas.
Ma’lumot uchun, Remzi 2019 yilda Londonning «Arsenal» jamoasidan «Yuventus»ga o‘tgan. Futbolchining sobiq Italiya chempioni bilan shartnomasida haftasiga 400 ming funt maosh olish nazarda tutiladi.