Туриннинг «Ювентус» клуби ярим ҳимоячи Аарон Рэмзининг трансфер нархини пасайтиришга тайёр.

Айни пайтда, уэлслик футболчининг нархи 20 миллион еврога баҳоланмоқда, аммо агар «Ливерпуль» футболчини сотиб олишни таклиф қилса, «Ювентус» Рэмзини 12 миллион еврога сотади. Бунда Италия клуби Аароннинг маош олиш омилини ҳам ҳисобга олади.

Tutto Juveнинг хабар беришича, «Юве» плеймейкернинг маошидан мамнун эмас.

Маълумот учун, Рэмзи 2019 йилда Лондоннинг «Арсенал» жамоасидан «Ювентус»га ўтган. Футболчининг собиқ Италия чемпиони билан шартномасида ҳафтасига 400 минг фунт маош олиш назарда тутилади.