OFK kubogida kurash olib borayotgan “Nasaf” bugun guruh bosqichining 3-turida qo‘shni Turkmanistonning "Oltin Asr" klubiga qarshi bahs olib bordi va 2:0 hisobida ishonchli g‘alabani qo‘lga kiritdi. O‘yindan so‘ng o‘tkazilgan matbuot anjumanida “ajdarlar” ustozi Ro‘ziqul Berdiyev o‘zining uchrashuv haqidagi fikrlari bilan o‘rtoqlashdi.

-Birinchi navbatda shogirdlarimga minnatdorchilik bildiraman. Qolaversa muxlislarimizni ham tabriklayman. Keyingi bosqichga chiqqanimizdan xursandmiz, endi shunday davom etishimiz kerak. O‘yin haqida gapiradigan bo‘lsam, guruhdagi har uch raqibga ham birdek jiddiy qaradik.

Bugungi raqibimiz tajribali ekanini bilardik, ammo ular bugungi o‘yinga jismonan tayyor emas edi. Biz esa maydonda tezkorlik ko‘rsatishimiz lozim edi. Yigitlar buni uddalay olishdi.