Futbol transferi bozori jiddiy moliyaviy nazoratga muhtoj. Ushbu fikrni Xalqaro futbol federasiyasi prezidenti Janni Infantino tashkilot kongressi paytida bildirib o‘tdi.
«Transferlar tizimini jiddiy moliyaviy nazoratga olishimiz kerak. Biz klublarni, o‘yinchilarni, butun futbol ekotizimini himoya qilishimiz zarur. Bizga shaffoflik va sifat darajasida yuqori standartlariga ega yangi transfer tizimi kerak», – dedi Infantino
FIFA rahbari 2019 yilda klublar xalqaro transferlar uchun 7 milliard dollar sarflaganini, shundan agentlar 700 million, futbolchilarni tarbiyalagan klublar esa atigi 70 million dollar olganini ta’kidladi. Bunday davom etsa futbolchilar yetkazib beradigan kichik klublar inqirozga uchrashi mumkin deb hisoblashmoqda.
