Футбол трансфери бозори жиддий молиявий назоратга муҳтож. Ушбу фикрни Халқаро футбол федерацияси президенти Жанни Инфантино ташкилот конгресси пайтида билдириб ўтди.
«Трансферлар тизимини жиддий молиявий назоратга олишимиз керак. Биз клубларни, ўйинчиларни, бутун футбол экотизимини ҳимоя қилишимиз зарур. Бизга шаффофлик ва сифат даражасида юқори стандартларига эга янги трансфер тизими керак», – деди Инфантино
ФИФА раҳбари 2019 йилда клублар халқаро трансферлар учун 7 миллиард доллар сарфлаганини, шундан агентлар 700 миллион, футболчиларни тарбиялаган клублар эса атиги 70 миллион доллар олганини таъкидлади. Бундай давом этса футболчилар етказиб берадиган кичик клублар инқирозга учраши мумкин деб ҳисоблашмоқда.
