«Eybar» ga qarshi mavsumning so‘nggi uchrashuvi yakunida Ronald Kuman o‘zining klubdagi kelajagi haqidagi mish-mishlarga izoh berdi.

«Bu mening «Barselona»dagi so‘nggi o‘yinim deb o‘ylamayman. Mening shartnomam bor va bilmayman... Ular mening kelajagim haqida ko‘p gapirishadi, lekin men xotirjamman.

Agar klub nimanidir o‘zgartirmoqchi bo‘lsa, men bilan bu haqda gaplashishi kerak», - dedi murabbiy.

So‘nggi xabarlarga ko‘ra, Kuman shu yozda «Barsa»dan ketishi mumkin. Xuan Laporta muarbbiyga munosib o‘rinbosar topa olmagan senariydagina Kuman keyingi mavsumda jamoada murabbiy bo‘lib qoladi.