BAAning Dubay shahrida boks bo‘yicha Osiyo chempionati start oldi. Musobaqaning ilk kunida 2 nafar vakilimiz saralash bahslarini boshlab berishdi.

Dastlab -60 kg vazn toifasida Buenos-Ayres-2018 o‘smirlar Olimpiadasi chempioni Abdumalik Xalakov Laos vakiliga qarshi bahs olib bordi va raqibiga hech qanday imkoniyat qoldirmadi. Kechki dastur davomida Saidjamshid Ja’farov (-75 kg) ham afg‘onistonlik bokschi bilan kechgan to‘qnashuvda yaqqol ustunlik qildi.

-60 kg: Abdumalik Xalakov - Valter Oupatana (Laos) - 5:0
-75 kg: Saidjamshid Ja’farov - Sulaymon (Afg‘oniston) - 5:0

Bugun ham saralash bahslari davom etadi. Ushbu kun dasturida quyidagi 8 nafar vakilimiz musobaqaga kirishadi:

-49 kg: Nodirjon Mirzahmedov – Hoshim Jaffar (Iroq)
-56 kg: Mirazizbek Mirzaxalilov – Uddin Muhammad Hussan (Hindiston)
-64 kg: Elnur Abduraimov – Muhammad Sulton (Afg‘oniston)
-91 kg: Sanjar Tursunov – Qodir Abdul (Afg‘oniston)
-48kg: Gulasal Sultonaliyeva – Ilangaratxa Rasmika (Shri-Lanka)
-51 kg: Tursunoy Rahimova – Nazim Kuzibay (Qozog‘iston)
-57 kg: Sitora Turdibekova – Keshani Kasxuriarachchi (Shri-Lanka)
-60 kg: Rayhona Qodirova – Simranjit Batx (Hindiston)