Germaniyaning «Leypsig» klubi ijaradagi «Roma» hujumchisi Jastin Klyuyvertni italiyaliklardan sotib olmoqchi. Bu haqda jurnalist Nikolo Shkira o‘zining tvitterida xabar berdi.
Manbaga ko‘ra, «Leypsig» 22 yoshli futbolchini doimiy ravishda sotib olishga qiziqish bildirmoqda. Ma’lum bo‘lishicha, nemis klubi futbolchi uchun 12 million yevro to‘lashga tayyor.
O‘tgan mavsumda Klyuyvert «Leypsig» tarkibida 27 o‘yin o‘tkazgan va to‘rtta gol urib, bitta golli uzatmani amalga oshirgan.
Oldinroq «Roma»ning yangi ustozi Joze Mourinyo Niderlandiya terma jamoasining taniqli sobiq hujumchisi Patrik Klyuyvertning o‘g‘li Jastin Klyuyvertning jamoaga qaytishiga qiziqish bildirgani haqida xabar berilgan edi.
Ma’lumot uchun, Futbolchi 2018 yilning yozida «Roma» futbolchisiga aylangan. Hammasi bo‘lib hujumchi Rim klubi safida barcha turnirlardai 68 uchrashuvda qatnashdi va 9 golga mualliflik qildi.
