Германиянинг «Лейпциг» клуби ижарадаги «Рома» ҳужумчиси Жастин Клюйвертни италияликлардан сотиб олмоқчи. Бу ҳақда журналист Николо Шкира ўзининг твиттерида хабар берди.
Манбага кўра, «Лейпциг» 22 ёшли футболчини доимий равишда сотиб олишга қизиқиш билдирмоқда. Маълум бўлишича, немис клуби футболчи учун 12 миллион евро тўлашга тайёр.
Ўтган мавсумда Клюйверт «Лейпциг» таркибида 27 ўйин ўтказган ва тўртта гол уриб, битта голли узатмани амалга оширган.
Олдинроқ «Рома»нинг янги устози Жозе Моуриньо Нидерландия терма жамоасининг таниқли собиқ ҳужумчиси Патрик Клюйвертнинг ўғли Жастин Клюйвертнинг жамоага қайтишига қизиқиш билдиргани ҳақида хабар берилган эди.
Маълумот учун, Футболчи 2018 йилнинг ёзида «Рома» футболчисига айланган. Ҳаммаси бўлиб ҳужумчи Рим клуби сафида барча турнирлардаи 68 учрашувда қатнашди ва 9 голга муаллифлик қилди.
