"Yuventus" himoyachisi Jorjio Kyellini klub bilan shartnomasini uzaytirishi mumkin, deya xabar beradi jurnalist Nikolo Skira. Manbaning xabariga ko‘ra, 36 yoshli italiyalik himoyachi yana bir mavsumni turinliklar safida o‘tkazmoqchi. Yaqin kunlarda futbolchi Turin klubi prezidenti Andrea Anyelli bilan uchrashib, kelajagi borasida yakuniy qarorni qabul qiladi.
Ma’lumot uchun, 2020/21-yilgi mavsumda Kellini "Yuventus" tarkibida 25 ta uchrashuvda maydonga tushib, 2 ta golli uzatmani amalga oshirdi.
