«Milan» texnik direktori Paolo Maldini darvozabon Janluiji Donnarumma erkin agent sifatida jamoani tark etishini ma’lum qildi.
«Keling, nutilmas mavsum uchun barcha futbolchilarga minnatdorchilik bildiramiz. Donnarumma o‘tgan mavsumda jamoaning yetakchisi va sardori bo‘ldi.
Bilaman, bunday transferlarni qabul qilish qiyin. Butun faoliyatini bir klubda o‘tkazadigan futbolchilarni topish imkonsiz bo‘lib bormoqda. Lekin «Milan»ga ko‘p narsalar bergan insonlarni xurmat qilaylik. Jijio ham ana shunday futbolchilardan biri. U bizga doimo hurmat bilan munosabatda bo‘lgan.
Bizning yo‘limiz farq qiladi. Unga eng yaxshi narsalarni tilayman», — deya Maldinining so‘zlarini keltiradi Milannews.
Avvalroq 22 yoshli posbon «Yuventus» yoki «Barselona» bilan shartnoma imzolashi xabar qilingandi.
Jurnalist Janluka Di Marsioning yozishicha, «Milan» Donnarumma o‘rniga «Lill» posboni Mayk Menyanni o‘z safiga qo‘shib oladi.