"Arsenal" va "Manchester Yunayted"ning sobiq hujumchisi Robin van Persining fikricha "Chelsi" bosh murabbiyi Tomas Tuxel yarim himoyachi Hakim Ziyeshning imkoniyatlaridan to‘liq foydalanmayapti.
"Aslida men ajoyib futbolchi deb bilgan Ziyesh, Pulishich va Kovachich kabi futbolchilarning ijodkorligi namoyon bo‘lmayotgani sharmandalik. Kovachich ularning dvigateli va pleymeykeridir. Ziyesh ham ushbu fazilatlarga ega, ammo yuqoriroq o‘ynaydi. Menimcha, Hakim jamoada ancha katta rol o‘ynashi kerak. Hozir u doimiy ravishda turli pozisiyalarda o‘ynab, tarkibga kirishga harakat qilmoqda. Ammo bunday ijodiy o‘yinchi uchun yaxshi pozisiyani topish unchalik qiyin emas, to‘g‘rimi?", - deydi sobiq futbolchi.
