"Арсенал" ва "Манчестер Юнайтед"нинг собиқ ҳужумчиси Робин ван Персининг фикрича "Челси" бош мураббийи Томас Тухел ярим ҳимоячи Ҳаким Зиешнинг имкониятларидан тўлиқ фойдаланмаяпти.

"Аслида мен ажойиб футболчи деб билган Зиеш, Пулишич ва Ковачич каби футболчиларнинг ижодкорлиги намоён бўлмаётгани шармандалик. Ковачич уларнинг двигатели ва плеймейкеридир. Зиеш ҳам ушбу фазилатларга эга, аммо юқорироқ ўйнайди. Менимча, Ҳаким жамоада анча катта рол ўйнаши керак. Ҳозир у доимий равишда турли позицияларда ўйнаб, таркибга киришга ҳаракат қилмоқда. Аммо бундай ижодий ўйинчи учун яхши позицияни топиш унчалик қийин эмас, тўғрими?", - дейди собиқ футболчи.