Bugun Pro liganing 9-tur o‘yinlari davom ettiriladi. Tur doirasidan o‘rin olgan "Buxoro" - "Neftchi" uchrashuvida bugun soat 18:00 da boshlanadi.

"Buxoro" klubi 1960 yilda tashkil topgan. 1989 yilda jamoa  "Nurafshon"  nomi bilan harakat qilgan. 1997 yildan boshlab yana "Buxoro" brendi ostida faoliyat yuritib kelmoqda. Jamoa uy uchrashuvlarini 22 700 tomoshabinga mo‘ljallangan "Buxoro" sport majmuasi stadionida o‘tkazadi.

Milliy chempionatimiz  doirasida jamoalar faqat Oliy liga va  Superliga birinchiligida raqobat olib borishgan. Pro liga birinchiligida esa  jamoalar ilk bor uchrashadilar. O‘zbekiston chempionati bellashuvlarida jamoalar jami 52 marta o‘zaro to‘qnashgan bo‘lib, bularning 15tasida "Buxoro" g‘alaba qozongan, 3ta o‘yin durang bilan yakun topgan va 34ta bahsda "Neftchi" ustun kelgan. Umumiy to‘plar nisbati 47-98 farg‘onaliklar foydasiga.

Jamoalarning bu qarama-qarshilikdagi eng yirik g‘alabalari 1994 yilga to‘g‘ri keladi. Buxoroda mezbonlar 4:1 hisobida g‘alaba qozongan bo‘lsa, Farg‘onada "Neftchi" 5:0 hisobida ustun kelgan.

Buxoroda qayd etilgan  oxirgi 5ta uchrashuv natijalari quyidagicha:

15.03.2014."Buxoro "-" Neftchi " 1:0
05.11.2015."Buxoro "-" Neftchi " 3:1
16.06.2016."Buxoro "-" Neftchi " 2:0
07.04.2017."Buxoro "-" Neftchi " 3:0
19.07.2018."Buxoro "-" Neftchi " 0:0

"Neftchi"  matbuot xizmati