"Barselona" yarim himoyachisi Serxi Buskets yozgi transferlar vaqtida klubini o‘zgartirishi mumkin.
AS nashrining yozishicha, ispaniyalik futbolchi "Bavariya"ga tekinga o‘tishi mumkin.
"Barselona" Buskets faoliyatini klubda tugatadi deb o‘ylagan edi, ammo jamoadagi og‘ir iqtisodiy vaziyat rahbariyatni Busketsni tark etishi mumkin bo‘lgan futbolchilar ro‘yxatiga kiritishga majbur qildi.
Ma’lumot uchun, Busketsning kataloniyaliklar bilan tuzgan amaldagi shartnomasi 2023-yilgacha amal qiladi.
32 yoshli futbolchi yakunlangan mavsum "Barselona" safida La Liganing 36 o‘yinida maydonga tushgan va 5 ta golga uzatma bergan.