"Барселона" ярим ҳимоячиси Серхи Бускетс ёзги трансферлар вақтида клубини ўзгартириши мумкин.
АS нашрининг ёзишича, испаниялик футболчи "Бавария"га текинга ўтиши мумкин.
"Барселона" Бускетс фаолиятини клубда тугатади деб ўйлаган эди, аммо жамоадаги оғир иқтисодий вазият раҳбариятни Бускетсни тарк этиши мумкин бўлган футболчилар рўйхатига киритишга мажбур қилди.
Маълумот учун, Бускетснинг каталонияликлар билан тузган амалдаги шартномаси 2023-йилгача амал қилади.
32 ёшли футболчи якунланган мавсум "Барселона" сафида Ла Лиганинг 36 ўйинида майдонга тушган ва 5 та голга узатма берган.