«Betis» futbolchisi Emersonni «Barselona» tarkibiga kelib qo‘shildi.
Ushbu futbolchini «Barselona» 2019 yil yanvarida «Atletiko Mineyro»dan 12 mln yevro evaziga xarid qilgandi. Uch tomonlama kelishuvda «Betis» ham ishtirok etgan, bu jamoa futbolchini ikki mavsumga ijaraga olgandi.
Yakunlangan mavsumda ushbu himoyachi La Liganing 38 o‘yinida ishtirok etib, ikki gol urdi va to‘rtta golli uzatma muallifi bo‘ldi. Transfermarkt portali uning transfer qiymatini 25 mln yevroga baholaydi.
Avvalroq «Barselona» «Manchester Siti»dan markaziy himoyachi Erik Garsiyani erkin agent sifatida safga qo‘shib olgani xabar qilingandi. 20 yoshli futbolchi kataloniyaliklar klubi bilan 2025/2026 yilgi mavsum yakuniga qadar shartnoma tuzgan. Uning «Barselona» bilan shartnomasida 400 mln yevro miqdorida badal puli ko‘rsatilgan.
