“Navbahor” PFK matbuot xizmati tomonidan jamoaning may oyidagi eng yaxshi futbolchisini aniqlash maqsadida o‘tkazilgan so‘rov yakunlandi.

Yakuniy natijalarga ko‘ra, “lochinlar”ning mahoratli darvozaboni, jamoaning eng jonkuyar vakillaridan biri hisoblangan O‘tkir Yusupov eng ko‘p (30%) ovoz to‘plab, “May oyining eng yaxshi futbolchisi” nomiga sazovor bo‘ldi.

Ikkinchi o‘rinni Ivan Solovyov (19%) egallagan bo‘lsa, Ehsoni Panshanbe (15%) uchinchi bo‘ldi.

Ma’lumot uchun, O‘tkir Yusupov may oyida 3 ta uchrashuvda to‘liq 90 daqiqa o‘ynab, ikkita uchrashuvda darvozasi daxlsizligini saqlab qoldi. Mamlakatimizdagi nashrlar tomonidan e’lon qilingan tur ramziy jamoalaridan o‘rin oldi.