“Навбаҳор” ПФК матбуот хизмати томонидан жамоанинг май ойидаги энг яхши футболчисини аниқлаш мақсадида ўтказилган сўров якунланди.

Якуний натижаларга кўра, “лочинлар”нинг маҳоратли дарвозабони, жамоанинг энг жонкуяр вакилларидан бири ҳисобланган Ўткир Юсупов энг кўп (30%) овоз тўплаб, “Май ойининг энг яхши футболчиси” номига сазовор бўлди.

Иккинчи ўринни Иван Соловьёв (19%) эгаллаган бўлса, Эҳсони Паншанбе (15%) учинчи бўлди.

Маълумот учун, Ўткир Юсупов май ойида 3 та учрашувда тўлиқ 90 дақиқа ўйнаб, иккита учрашувда дарвозаси дахлсизлигини сақлаб қолди. Мамлакатимиздаги нашрлар томонидан эълон қилинган тур рамзий жамоаларидан ўрин олди.