Ertaga Osiyo qit’asida JCH-2022 saralash bochqichidan o‘rin olgan bir qator o‘yinlar bo‘lib o‘tadi. Vadim Abramov boshchiligidagi O‘zbekiston milliy terma jamoasi ushbu bosqichdagi navbatdagi uchrashuvini Singapur terma jamoasiga qarshi o‘tkazadi. Raqibimiz bosh murabbiyi Tatsuma Yoshida mazkur bahs oldidan o‘z fikrlarini bildirib o‘tdi:
“Barcha biladi, O‘zbekiston Osiyoning eng kuchli jamoalaridan biri. Bizni kuchli qarama-qarshilik kutyapti. Raqobatli o‘yin bo‘ladi. Ochko olishga harakat qilamiz. O‘zbekistonni hurmat qilgan holda g‘alabaga erishishga intilamiz. Hali bor potensialimizni ro‘yobga chiqarishga ulgurmadik. Umid qilamanki, mening jamoam bu safar 100% imkoniyatini ishga soladi”,- dedi Yoshida
