Pro liga 10-turi doirasida «Yangiyer» jamoasi o‘z maydonida «Dinamo» klubini qabul qildi.

Uchrashuvning 5-daqiqasidayoq samarqandliklar darvozaboni Arslon Ahrorov qo‘pol xatoga yo‘l qo‘ydi. Natijada mezbonlar legioneri Etame «sovg‘a»ni golga aylantirdi – 1:0.

Ikkinchi bo‘limda Hakim Fuzaylovning zaxiradan tushirgan futbolchilari ishonchni oqlashdi. 63-daqiqada Temur Hakimov boshlab bergan hujumni Temur Usmonov jarima maydoniga yetkazdi, u yerda esa himoyachi Dmitro Sidorenko raqib darvozasini ishg‘ol etdi – 1:1.

O‘yin yakuniga qadar zaxiradan maydonga tushgan Islom Sharipov va Siroj Meliyev yakunda «Dinamo»ga g‘alaba keltirishdi. Sharipov qanotdan yetkazib bergan uzatmani Meliyev darvozaga yo‘lladi – 1:2.

Natijada, «Dinamo» 18 ochko bilan «Buxoro»ni ortda qoldirib, 2-o‘ringa ko‘tarildi. Azamat Abduraimov boshchiligidagi «Yangiyer» esa 9 ochko bilan 6-o‘rindan joy olgan.

Pro liga. 10-tur
7 iyun (dushanba)
«Yangiyer» – «Dinamo» - 1:2
Hakam: Vadim Agishev
Gollar: Mpako Etame Jerome 5 – Dmitro Sidorenko 63, Siroj Meliyev 85.
«Yangiyer»: 12. Nodir Ashurmatov, 3. Bekzod Tolibjonov, 6. Landriy Chamedjeu, 7. Abdumalik Toshpo‘latov (Sanjar Baratov, 56), 13. Bunyod Abdumannonov, 15. Asadbek Mamaroziyev, 17. Jonibek Mirzaqulov, 19. Mpako Etame Jerome (Xurshidbek Asqaraliyev, 88), 23. Oybek Ahmadov, 25. Yodgor Nazarov, 27. Robbimjon Hasanov
«Dinamo»: 35. Aslonbek Ahrorov, 2. Dmitro Sidorenko, 9. Temur Usmonov (Islom Sharipov, 66), 15. Obid Jo‘raboyev, 16. Jasur Hasanov (Temur Hakimov, 46), 17. Temur Ismoilov, 21.Muhammadqodir Hamraliyev, 22. G‘olibbek Sariboyev, 26. Komil Sharofutdinov, 77. Sardor Eminov, 88. Oleg Marchuk (Siroj Meliyev, 83).