Про лига 10-тури доирасида «Янгиер» жамоаси ўз майдонида «Динамо» клубини қабул қилди.

Учрашувнинг 5-дақиқасидаёқ самарқандликлар дарвозабони Арслон Аҳроров қўпол хатога йўл қўйди. Натижада мезбонлар легионери Этаме «совға»ни голга айлантирди – 1:0.

Иккинчи бўлимда Ҳаким Фузайловнинг захирадан туширган футболчилари ишончни оқлашди. 63-дақиқада Темур Ҳакимов бошлаб берган ҳужумни Темур Усмонов жарима майдонига етказди, у ерда эса ҳимоячи Дмитро Сидоренко рақиб дарвозасини ишғол этди – 1:1.

Ўйин якунига қадар захирадан майдонга тушган Ислом Шарипов ва Сирож Мелиев якунда «Динамо»га ғалаба келтиришди. Шарипов қанотдан етказиб берган узатмани Мелиев дарвозага йўллади – 1:2.

Натижада, «Динамо» 18 очко билан «Бухоро»ни ортда қолдириб, 2-ўринга кўтарилди. Азамат Абдураимов бошчилигидаги «Янгиер» эса 9 очко билан 6-ўриндан жой олган.

Про лига. 10-тур
7 июнь (душанба)
«Янгиер» – «Динамо» - 1:2
Ҳакам: Вадим Агишев
Голлар: Мпако Этаме Жероме 5 – Дмитро Сидоренко 63, Сирож Мелиев 85.
«Янгиер»: 12. Нодир Ашурматов, 3. Бекзод Толибжонов, 6. Ландрий Чамеджеу, 7. Абдумалик Тошпўлатов (Санжар Баратов, 56), 13. Бунёд Абдуманнонов, 15. Асадбек Мамарозиев, 17. Жонибек Мирзақулов, 19. Мпако Этаме Жероме (Хуршидбек Асқаралиев, 88), 23. Ойбек Аҳмадов, 25. Ёдгор Назаров, 27. Роббимжон Ҳасанов
«Динамо»: 35. Аслонбек Аҳроров, 2. Дмитро Сидоренко, 9. Темур Усмонов (Ислом Шарипов, 66), 15. Обид Жўрабоев, 16. Жасур Ҳасанов (Темур Ҳакимов, 46), 17. Темур Исмоилов, 21.Муҳаммадқодир Ҳамралиев, 22. Ғолиббек Сарибоев, 26. Комил Шарофутдинов, 77. Сардор Эминов, 88. Олег Марчук (Сирож Мелиев, 83).