«Roma» klubi bosh murabbiyi Joze Mourinyo Fransiya terma jamoasining Yevro—2020dagi imkoniyatlarini baholadi.
"Jamoangizda Mbappedek futbolchi bo‘lsa, g‘alaba qozonmaslik mumkin emas. Kilian o‘yinlarni yutadigan va raqiblarni qo‘rqita oladigan futbolchilardan biri.
Mbappe barchaga Lionel Messi va Krishtianu Ronaldu ketganidan so‘ng dunyoning eng yaxshi futbolchisi aynan u bo‘lishini isbotlashga urinyapti.
Didye Desham nima xohlayotganini biladi. Fransiya amaldagi Jahon chempioni. Undan tashqari 2016 yilgi Yevro musobaqasi finalchisi ham. Finaldan oldingi har qanday bosqichda ishtirokini to‘xtatish ular uchun muvaffaqiyatsizlik bo‘ladi, deb o‘ylayman. Desham nima yozilayotgani va nima aytilayotganiga e’tibor qilmaydi. Shunchaki u nima xohlayotganini biladi. Didyening qat’iy prinsiplari bor. Har bir futbolchi uni hurmat qilishi kerak. Agar shunday qilmasa, u tarkibda bo‘lmaydi.
Futbolchilar murabbiy istagandek harakat qilsa, jamoa juda kuchli bo‘ladi. Men bu jamoaning kuchsiz tomonlarini ko‘rmayapman. Musobaqada g‘alaba qozonishi mumkin bo‘lgan jamoani ko‘rsatish kerak bo‘lsa, hech ikkilanmasdan Fransiyani ko‘rsatgan bo‘lardim. Ularda ajoyib tarkib shakllangan.
Fransiya Yevroni yutishi kerak. Unday bo‘lmasa, musobaqa omadsiz kechgan bo‘ladi", — dedi Joze Mourinyo.
