Rossiya terma jamoasi hujumchisi Artem Dzyuba Belgiyaga qarshi kechgan bahsdan so‘ng o‘z fikrlarini bildirib o‘tdi.
«Biz yomon himoyalandik. Juda yomon. Bunday xatolarni tajribali jamoa kechirmasligi aniq edi. Lukaku bizning himoyamizni ko‘rib hayron bo‘lgan bo‘lsa kerak.
Belgiya darajasidagi jamoalar xatolarni kechirmaydi. O‘yinni hujumkor boshlaganimizdan so‘ng, xotirjamlik bilan durang o‘ynay olamiz deb o‘yladik. Hammasi ahmoqona xato bilan o‘zgarib ketdi, shundan keyin jarayonga qaytish qiyin bo‘ldi», - deya xulosa qildi Dzyuba.
