Belgiya va "Inter" jamoasi hujumchisi Romelu Lukaku Yevropa chempionatining 1-tkridagi Rossiya ustidan qozonilgan g‘alabani(3:0), klubdagi jamoadoshi Kristian Eriksenga bag‘ishladi.

29 yoshli daniyalik yarimhimoyachi Yevro-2020 guruh bosqichining 1-turidan o‘rin olgan Daniya - Finlyandiya uchrashuvining (0:1) 42-daqiqasida hushini yo‘qotdi. Kristianni tez yordam mashinasi jonlantirish bo‘limiga olib borishdi. Endi futbolchining holati barqaror deb baholanmoqda.

- G‘alabadan juda xursandman, lekin o‘ynashim qiyin edi, klubdoshim Kristian Eriksen haqida o‘ylardim. U sog‘lom deb umid qilaman va ushbu g‘alabani unga bag‘ishlayman ", - dedi Lukaku.

Men juda ko‘p yig‘ladim, qo‘rqdim. Men u bilan oilamdan ko‘ra ko‘proq vaqt o‘tkazdim, deb qo‘shimcha qildi belgiyalik.

Lukaku ruslar bilan o‘yinda dubl qayd etdi va birinchi golini Eriksenga bag‘ishladi. Belgiya terma jamoasi hujumchisi uchrashuvning eng yaxshi futbolchisi deb topildi.