«Manchester Yunayted» ispaniyalik yarimhimoyachi Xuan Matani klubda saqlab qolmoqchi, deb xabar beradi Sky Sports.

Manbaga ko‘ra, ingliz klubi futbolchi bilan yangi shartnoma borasida muzokara olib bormoqda, ammo uning maoshini kamaytirmoqchi. «Manchester Yunayted» yarimhimoyachiga yiliga olti million yevro taklif qiladi, ammo hozirda u 10 millionga yaqin mablag‘ ishlab topmoqda.

Mataning klub bilan amaldagi shartnomasi iyun oyi oxirida tugaydi, shu sababli u boshqa jamoaga tekinga o‘tishi mumkin.

O‘tgan mavsumda 33 yoshli Mata «Manchester Yunayted» tarkibida barcha musobaqalarda 18 uchrashuv o‘tkazib, uchta gol urdi va uchta golli pas berdi.