«Манчестер Юнайтед» испаниялик яримҳимоячи Хуан Матани клубда сақлаб қолмоқчи, деб хабар беради Sky Sports.
Манбага кўра, инглиз клуби футболчи билан янги шартнома борасида музокара олиб бормоқда, аммо унинг маошини камайтирмоқчи. «Манчестер Юнайтед» яримҳимоячига йилига олти миллион евро таклиф қилади, аммо ҳозирда у 10 миллионга яқин маблағ ишлаб топмоқда.
Матанинг клуб билан амалдаги шартномаси июнь ойи охирида тугайди, шу сабабли у бошқа жамоага текинга ўтиши мумкин.
Ўтган мавсумда 33 ёшли Мата «Манчестер Юнайтед» таркибида барча мусобақаларда 18 учрашув ўтказиб, учта гол урди ва учта голли пас берди.
