«Tottenxem» prezidenti Deniel Levi OAV xabarlariga ko‘ra London klubini tark etmoqchi bo‘lgan hujumchi Xarri Keyn bilan bog‘liq vaziyatga izoh berdi.

«Men hech qachon biror bir futbolchi haqida omma oldida gapirmayman. Ayni damda shuni aytishim mumkinki, men Keynning umidsizliklarini jamoaning o‘tgan mavsumdagi natijalari bilan bog‘layman va shuningdek, qolgan klub futbolchilari va muxlislari singari uning vaziyatini juda yaxshi tushunaman.

Shu sababli menga bunaqa savol bermang. Hamma yirik turnirlarda g‘alaba qozonishni xohlaydi. Bu og‘ir vaziyat. Unga o‘ylashga vaqt berish kerak», - deydi funksioner.

Levi, shuningdek, keyingi mavsum uchun tarkibni shakllantirishni «shporlar»ning yangi sport direktori Fabio Paratichi hal qilishini ta’kidladi.