«Тоттенхем» президенти Дениэль Леви ОАВ хабарларига кўра Лондон клубини тарк этмоқчи бўлган ҳужумчи Харри Кейн билан боғлиқ вазиятга изоҳ берди.
«Мен ҳеч қачон бирор бир футболчи ҳақида омма олдида гапирмайман. Айни дамда шуни айтишим мумкинки, мен Кейннинг умидсизликларини жамоанинг ўтган мавсумдаги натижалари билан боғлайман ва шунингдек, қолган клуб футболчилари ва мухлислари сингари унинг вазиятини жуда яхши тушунаман.
Шу сабабли менга бунақа савол берманг. Ҳамма йирик турнирларда ғалаба қозонишни хоҳлайди. Бу оғир вазият. Унга ўйлашга вақт бериш керак», - дейди функционер.
Леви, шунингдек, кейинги мавсум учун таркибни шакллантиришни «шпорлар»нинг янги спорт директори Фабио Паратичи ҳал қилишини таъкидлади.
