Bugun Yevropa chempionatining ko‘pchilik kutayotgan «F» guruhidagi o‘yinlarga ham start beriladi. 

Musobaqaning amaldagi g‘olib Portugaliya Vengriya bilab kuch sinashsa ikkinchi bahsda so‘nggi ikki mundial g‘oliblari Fransiya va Germaniya to‘qnash kelishadi. Bu ikki terma jamoa musobaqaning asosiy favoritlaridan desak mubolag‘a bo‘lmaydi. Dide Desham jamoasi o‘tgan Yevro finalidagi mag‘lubiyatdan so‘ng bu safar oxirigacha borishni o‘z oldiga maqsad qilgan. Germaniya esa Yoahim Lyov boshchiligida so‘nggi yirik turnirni o‘tkazadi. Shunday ekan Bundestimda ham ishtiyoq yuqori darajada bo‘lishi aniq. Lyov kelganidan buyon terma jamoa bilan yutmagan yagona sovrini ham Yevropa chempionati hisoblanadi. U final va yarim finallargacha jamoasini olib kela olgan ammo muvaffaqiyat qozona olmagan. Bu so‘nggi imkoniyat.