Germaniya bosh murabbiyi Yoaxim Lyov Portugaliyaga qarshi o‘yin va Krishtianu Ronaldudan kutganlari bilan o‘rtoqlashdi.

«Portugaliya bilan o‘yin bitta kishiga qarshi o‘yin bo‘lmaydi, ularda yana 4-5 nafar jahon darajasidagi futbolchi bor. Ularga qarshi o‘ynaganda, bor e’tiborni himoyaga qaratib, hujum bilan muvozanatni tiklashimiz kerak.

Ronalduni qanday to‘xtatasiz? U ilgari Portugaliyaning yagona super yulduzi bo‘lgan, ammo endi ko‘p narsa o‘zgardi. Ularda Silva, Fernandes, Jota, Karvalyu bor.

Krishtianu matbuot anjumanlarida nafaqat Coca-Cola butilkalarini ko‘chirishi mumkin, balki o‘yin taqdirini ham hal qilishi va muhim gollarni urishi mumkin. U chap, o‘ng oyoq va bosh bilan kuchli o‘ynaydi. Biz uning kuchli tomonlarini bilamiz va o‘yin davomida e’tiborni undan qochirmaymiz", - deydi mutaxassis.

Portugaliya - Germaniya uchrashuvi 19 iyun, shanba kuni bo‘lib o‘tadi. Boshlanishi Toshkent vaqti bilan soat 21:00da.