Германия бош мураббийи Йоахим Лёв Португалияга қарши ўйин ва Криштиану Роналдудан кутганлари билан ўртоқлашди.
«Португалия билан ўйин битта кишига қарши ўйин бўлмайди, уларда яна 4-5 нафар жаҳон даражасидаги футболчи бор. Уларга қарши ўйнаганда, бор эътиборни ҳимояга қаратиб, ҳужум билан мувозанатни тиклашимиз керак.
Роналдуни қандай тўхтатасиз? У илгари Португалиянинг ягона супер юлдузи бўлган, аммо энди кўп нарса ўзгарди. Уларда Силва, Фернандес, Жота, Карвалью бор.
Криштиану матбуот анжуманларида нафақат Coca-Cola бутилкаларини кўчириши мумкин, балки ўйин тақдирини ҳам ҳал қилиши ва муҳим голларни уриши мумкин. У чап, ўнг оёқ ва бош билан кучли ўйнайди. Биз унинг кучли томонларини биламиз ва ўйин давомида эътиборни ундан қочирмаймиз", - дейди мутахассис.
Португалия - Германия учрашуви 19 июн, шанба куни бўлиб ўтади. Бошланиши Тошкент вақти билан соат 21:00да.
