Yevro-2020 guruh bosqich ikkinchi turi doirasidagi Ispaniya va Polsha uchrashuvidan (1:1) keyin qayd etilgan statistikalar bilan tanishing.
Ispaniya Yevrodagi oxirgi 4 o‘yinda g‘alabaga erisha olmadi — 2 durang, 2 mag‘lubiyat.
Ispaniya 1996 yildan beri ilk marta ketma-ket ikkita Yevro bahslarida g‘alaba qozona olmadi.
Morata Yevro musobaqalarida to‘rtinchi golini urdi, ispaniyalik futbolchilar orasida Fernando Torres undan ko‘proq gol (5) kiritgan.
Ispaniyaning Yevropa chempionatlardagi oxirgi 5 golidan to‘rtasini Morata kiritdi.
Levandovski uchta Yevropa chempionatida (2012, 2016, 2020) gol urgan birinchi polshalik futbolchiga aylandi.
Levandovski Polsha libosidagi 121-o‘yinida 67-golini urdi.
Kasper Kazlovski 17 yosh 246 kunligida maydonga tushib, Yevro bahslarida qatnashgan eng yosh futbolchiga aylandi.
